الاسبارتام واضراره

استعرض الموضوع السابق استعرض الموضوع التالي اذهب الى الأسفل

الاسبارتام واضراره

مُساهمة من طرف الجارح في الجمعة مارس 27, 2009 4:06 pm

مؤخرا كثر تداول مركبات غذائية يقال انها بدون سكر او لمرضى السكري وهي مركبات تخلو من السكر لكنها تحوي مركب يدعى الاسبارتام له مذاق السكر وفي المدة الاخيرة كثر الحديث عن ان للاسبارتام هذا اضرار صحية خطيرة هذا ما وجدته في احد المنتديات والذي اتمنى ان ينال اعجابكم
الاسبارتام ASPARTAM OR NUTRASWEET
يمكن الكتير مننا عارف معلومات عن الاسبارتام
لكن ياريت تحاولوا( تربطوا بين العلمى والعملى )
طبعا يمكن الجملة دى تبان غريبة شوية بس لما تعرفوا الموضوع حتعرفوا اننا فعلا
بالذات فى كلية صيدلة بنفتقد الخيال الخصب وسعة الصدر العلمية علشان نعمل كدة
على العموم دا مش موضوعنا موضوعنا هوا النوتراسويت او الاسبارتام زى ما نعرف
اسمعوا الحدوتة دى:-------------
زمان كان يامكان قبل مايكتشفوا الاسبارتام كانوا بيستخدموا السكارين كبديل لسكر
التحلية العادى لحد مالقوا انة بيسبب السرطان
فى عام 1965م جة واحد اسمة JAMES SCHLATTER وبالصدفة كان
بيعمل تجربة لقىان فى ورقة لزقت فى ايدة فلما حط صوباعة فى بقة لقى مادة طعمها سكرى
اوى وعرفوا بعد كدة انها اقوى فى التحلية اكتر 200 مرة من السكروز العادى اللى بنستخدمة
المهم استاذ جيمس دا كان بيشتغل تبع شركة G.D.SEARLE واللة
ميعرفش عنها حاجة دى بقا بتنتج من الابرة للصاروخ تقدر كمان تقول انها دولة مش شركة
المهم طبعا الFDA مش علطول وافقت على الاسبارتام ولكن نتيجة لاثارة الجانبية على حيوانات
التجارب من اورام وتشنجات اترفض طرحة فى الاسواق....
ومرت السنين...........وخلال الفترة من 1967لحد 1975م اكتشفوا ان تقارير وابحاث شركة سيريل
كانت مطبخة ومضروبة ...
شوفوا التقارير دى بقا واحكموا انتم:-
1- (ديانا دو ادواردز) ودى باحثة مولتها شركة (مونسانتو) بمجرد
ان اثبتت البحوث الاولية وجود احتمال تشوة الاجنة علطول وقفت الشركة التمويل.....؟؟؟؟؟؟؟
2- (جورج فيريللى) و (ان مارى موزر)
فى كتبهم الشهير(WHILE WAITING) ودا كتاب دليل فترة ماقبل الولادة ان الاسبارتام بيسبب تشوة
الاجنة وانة بيؤدى الى مضاعفات خطيرة للاشخاص الحساسين لية.......؟؟؟؟؟؟؟؟؟؟
3-اعلن (ستايا دوباى) ودا اخصائى احصاء فى منظمة الFDA ودا عام
1981م ان الدراسات اثبتت مما لاشك فية ان الاسبارتام بيؤدى الى تشوة الاجنة ..وكذلك الاصابة باورام
ليمفاوية فى المخ....وان دا يعتبر انتهاكا صارخا لتعديل ديلانى DELANEY
اللى بيفرض منع جميع المواد المسببة للسرطان انها تستخدم......؟؟؟؟؟؟؟
4-شهد دكتور (ادريان غروس) اما الكونجرس الامريكى ودا عالم سموم فى
الFDA ان الاسبارتام بيسبب الاورام اليمفاوية فى المخ وعلى ذلك يجب منعة وان دراسات شركة سيرل
ليست موضع ثقة نهائيا.......وتسال لم يسمح للFDA بانتهاكها الصارخ لاتفاقية ديلانى
واختراق القانون من اجل استصدار اذن لمادة مضرة بصحة البشرية......؟؟؟؟؟؟؟؟
5-اللعبـــــــــــــــــــــــــ ـــــــــــة القـــــــــــــــــــــــــــ ـــــذرة
فى السبعينات كدة اكتشفوا ان شركة سيرل عملت لعبتين جامدين اوى وهما كالتالى
1- ان الحيوانات المعملية اللى جالها اورام اخدوها عملولها عمليات ازلة للاورام دى ورجعوها تانى
2-اعلن(ريموند شرودر) ودا عامل سابق فى شركة سيرل انهم كانوا بيحطوا الاسبارتام على صورة
مكعبات حجمها اكبر من حجم اكلها الطبيعى بحيث ان الفيران كانت بتقدر تميزها ومتكولهاش ......؟؟؟؟؟؟؟؟؟
انا مش عايز اقولكم نسبة الاورام فى مستخدمى الاسبارتام وصلت قد اية (10%) تخيلوا
6-العالم (رالف والتون) عمل بحث عن تاثير الاسبارتام على
الحالة المزاجية وعايزكم تركزوا اوى فى الموضوع دا.....او اثبت ان الناس اللى عندهم
اضطرابات مزاجية ....عصبين مثلا او مرضى نفسين...وطبعا الدراسة مكنتش ممولة من شركة
سيرل علشان كدة كانت النتائج سليمة
(((((((علميا اثبت استاذنا رالف والتون ان الاسبارتام بيسبب انخفاض هائل فى نسبة السيروتونين وطبعا انتم عارفين مدى تاثير السيروتونين فى حياتنا وكنتيجة طبيعة لنخفاضة يبقى المستخدم عندة اكتئاب وعصبية دايمة)))))))
7-وكالة ماسوشيتس للتكنولوجيا اثبتت ان ان حوالى 80 شخصا اصيبوا بالصرع بعد
استخدام الاسبارتام ونشرت انة لابد سحب هذا المنتج من السوق
8- باحث اسمة (اريك ميلستون) دا جمع آلاف الصفحات من
البراهين ودا باحث فى جامعة (ساسيكس) وطبعا بعد
صدور قانون حرية الاعلام القانون رقم 23 اتهم فية شركة سيرل انها ازالت الاورام وزورت
التقارير ودفعت رشاوى مقابل نزول النوتراسويت فى السوق وبمنتهى البساطة رفض
محقق الFDA وقتها التحقيق وبعد فترة بسيطة اوى استقال وانتقل لشركة (بورسن ماستيلر)ودى الشركة اللى بتعمل دعاية لشركة سيرل
9-لعبــــــــــــــــة ارثر هــــــــــــــــــــــــايز
دا مفوض الFDA فى فترة سنة 1980م والاستاذ دا قام 3 علماء بتايد قرار مراجعة اعتراضات
العالم (اولنى تورنر) على موضوع الموافقة على الاسبارتام
وساعتها راح استاذ ارثر كون لجنة جديدة من 5 افراد وبعد ما اصبح انة من الواضح تايد القرار
بعد تفوق عدد الاصوات 3 مقابل 2 راح موزد واحد كمان على اللجنة علشان يبقى 3 مقابل 3
وساعتها بقى من حقة الموافقة على طرح الاسبارتام فى السوق
10-دكتورة (جاكلين فيريت) وهى عالمة رفيعة المستوى فى
منظمة الFDA شهدت بان شركة سيرل ارتكبت انتهاكات صارخة وتزوير واضح وان فريقها تلقى
تعليمات بعدم التعليق على صلاحية الدراسة......وتابعت انة بياثر على معدل الكوليسترول
ومعدلات الاصابة بسرطان الرحم
11-ليكم انكم تعرفوا ان اكتر من 150 مسئول فى الFDA كان لية استثمارات فى شركة
النوتراسويت ومش كدة بس فى منهم كتيييير اللى انتقلوا للعمل فى شركة سيرل
(هما حوالى 37 مسئول من اصل 49 )...........؟؟؟؟؟؟؟؟؟؟طبعا مش حنتكلم على دعاية
الشركات العملاقة ومصالحها الكبيرة زى شركات الكولا الدايت والبيبسى الدايت اللى تقريبا
حاجتها ببلاش مجرد شوية مية معفنة والناس بتقلب...........
مش بس امريكا اللى استشعرت الخطر دا...لكن فى سنة 1988م حكومة المكسيك الزمت الشركات
المنتجة بوضع هذة العبارات
(ان هذا المنتج لايصلح للافراد الحساسين للفينيل الانين ولا يستخدم من قبل الحوامل او الاطفال تحت 7 سنوات ويجب ان يكون تحت عناية الطبيب فى حالة مرضى السكر)
اولا: ماهو الاسبارتام؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
الاسبارتام عبارة عن :-
1- ميثانول (METHANOL(CH3OH0 بنسبة 10%
الميثانول زى ماهو معروف مادة سامة جداجدا لانة بيتحول الى فورميك اسيد(HCOOH)
ومنة للفورماهيلد(HCHO)
لما بيدخل المثانول الجسم بيتحول للفورماهايلد وبعد كدة يبدا يلعب لعبتة بقا بانة يعمل تداخل
مع تصنيع الDNA وتكون النتيجة انة يحصل REINAL DAMAGE ولو اللى بتاخدة حامل
الولد حينزل مشوةTERATOGENIC EFFECT ...دا دا لو بكميات صغنططة
لو كبيرة(BLINDNESS...BRAIN SWELLING...SHOOTING PAIN...CARDIC CHANGE...FINALLY SURE DEATH)
طيب واحد يسالنى امال هما بيحطوة كمادة حافظة فى الاكل ازاى؟؟؟؟
لان الفورماهيلد بمنتهى البساطة تقريبا مش بيمتص لكن الميثانول بيمتص الاول بسهولة وبعد
كدة يتحول للفورماهيلد لما يبقى فى BLOOD STREAM بس الموضوع دا بيحصل جوا القوارض
والحيوانات بس ومش بيحصل فى الانسان...طيب واحد يسالنى طيب مانت بتقول اهو مفيش اثبات
على كدة...بس واللة البحوث بتقول ان الانسان بيفتقد بعض الانزيمات اللى بتخلية اكثر عرضة للتسمم
من القوارض والحيوانات....يعنى لو حتى شوية صغنططين دخلوا ممكن يبهدلوا الدنيا
EPA قالت ان معدل الاستهلاك اليومى للميثانول لازم ميتعداش 7.8MG/DAY وليكم انكم تعرفوا ان
الواحد لتر من الكولا الدايت او البيبسى الدايت فية 56MG
(يعنى اللى بيشرب كولا دايت اللى هيا 320ML يعنى نقول 20MG يمتصلوا منة مايقرب من 10MG على
العموم دى مش لعبتنا احنا ولا دا موضوعنا لكن بالفعل الHEAVY USER اللى بيستخدموا الدايت كتير
فعلا معرضين بشدة لضعف النظر.......)
الخلاصة انة بياثر تاثير شديد على العصب البصرى وكمان بياثر بشدة على الاعصاب ولاسلامتها بشكل
عام.........(فعلا بيخلى المستخدم عصبى جدا جدا جدا )
2- ASPARTIC ACID&PHENYL ALANINE
بيمثل حوالى 90% من المنتجوزى ماهو معروف لو الناس مذاكرة بيوكيميسترى كويس
ان دول نوعين من الاحماض الامينية اللى بيستهلكها جسمنا لكن هما سامين جداجدا لو مفيش
انواع تانية من الاحماض اللى بيسبب التوازن التفاعلى بكيماء الجسم ولو محصلش كدة يبقى
الاحماض دى حتكون NEUROTOXIC
الناس اللى فعلا بيعانوا من الموضوع دا المرضى اللى عندهم(PHENYLKETONUREA(PKU) لان جسمهم
مش بيقدر يعمل METABOLISM
للفينيل الانين وبالتالى بعملهم تخلف عقلى MENTAL RETADATION
مريض ال(PKU) بيكون مميز اوى ان شعرة بيقى اصفر وعينة بتبقى ملونة
وكمان الحوامل لازم لازم لازم وممنوع نهائيا انهم يستخدموة لان الفنيل الانين حياثر على تكوين مخ الجنين
طيب بياثر عليا ازاى وازاى مش باخد بالى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
بمنتهى البساطة فى حاجة بتعملها الFDA انها بتعمل احصائيات علشان تعرف اية هيا
العراض الجانبية لمنتج ما....وبيكون الريبورت دا احصائى لحد مايلاقوا حاجة مشتركة بين
المتعاطين ويبدأوا يدرسوها طبيا
هما وجدوا(92) عرض اهمهم واللى درسوة فعلا
ارق. اكتئاب.صداع.وردات فعل غير طبيعية.عصبية
وللاسف الناس مش بتقدر تربط بين حالتهم المزاجية او الامراض المزمنة لان فى بحث علمى
جديد جدا (بحث سويدى اتنشر فى جريدة الاهرام من حوالى 4 شهور اثبت انة بيسبب اورام فى المخ.......)
بس اكتر حاجة ممكن تلاحظها هيا العصبية الزايدة لمستهلكى الاسبارتام وللاسف دا بيخليهم
يستهلكوا كمية اكبر من الشاى ويستهلكوا كمية اكبر من الاسبارتام وبدل مايهدوا يتنرفزوا اكتر
طيب امال قصدك اية اننا نربط العلمى بالعملى؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
(CURAM SYRUP)
MEGAMOX SYRUP
بيحتوى على نسبة من الاسبارتام علما بان غير مسموح نهائيا لاى طفل اقل من سنتين
بتناول الاسبارتام(وخاصة لو شعرة ملون او عينة ملونة لانة ساعتها حيكون احتمال يكون
عندة فينيل كيتون يوريا)
(وعلى فكرة الدكاترة ميعرفوش انة فية اسبارتام او حتى ميعرفوش اية الاسبارتام دا ....زى
كتير من الصيادلة (ليكم انكم تعرفوا انى رحت للدكتورة بتاعة السموم اللى شرحتلنا الاسبارتام
قولتلها دا موجود فى الكيورام شرب اطفال..قالتى معرفش............قولتلها انا متاكد انة موجود
قالتلى خلاص متبقاش تدية اقل من سنتين.......وخلص كدة الكلام ...دا الدكتورة اللى هوا دا تخصصها
فما بالك بالدكتور البشرى)
اصحابى بجد لازم نعرف الدوا بالظبط..... الكيورام طعمة حلو جدا والاطفال بيحبوة اوى لانة
سكرى جدا......(ودى عن تجربة واللة وسأل....شوف كدة اى واحد ابنة بياخد كيورام واسالة
الولد عامل اية؟؟؟؟؟ حيقولك هوا عصبى شوية ومش عايز يلعب ومبقاش يهزر....وبقا بيعط كتير....)
ولو ركزتوا فى الاعراض دى حتلاقوها بسبب الكتئاب وانخفاض معدلات السيروتونين
وتاثيرات الميثانول كمان
طب والحل؟؟؟؟؟؟؟؟؟
لو شكيت فى ان الولد عندة فينيل كيتون يوريا او كان اقل من سنتين حاول براحة كدة تقنع اهل
البيبى انهم ياخدوا الاوجمنتين او ايموكسكلاف او اى بديل ميكونش بيحتوى على المادة دى
ومتقولوش دى بتجيب سرطان خلى عندك امانة علمية انما قولة دا دوا افضل وعلشان فى لسة كلام
على مادة التحلية اللى فى الكيورام انها مضرة.....لو سمع كلامك ودا فى الغالب يبقى الحمد للة.....
اما لو اقل من سنتين واصر قولة معنديش(دا لو فى ضمير يعنى)
DIET SWEET
وطبعا كتير من ابهاتنا بيستخدم الدايت سويت عن اقتناع منة انة بكدة بيخس او بيقلل استخدام
السكريات يؤسفنى بقا اقولكم بحثين اثبتوا صاعقتين وهما:-
1-ان الاسبارتام بيعمل APPITITE STIMULATION وبيخلى المستخدم اكثر رغبة وميل الى اكل
الكاربوهيدرات
2-ان اى مادة سكرية مهما كانت حتى لوكانت الاسبارتام بتبعت اشارات الى خلايا الجسم لتخزين
الكاربوهيدرات والدهون وبالتالى بيؤدى الى ان الجسم يبقى محتاج كمية اكتر من الاكل
3-ان الناس اللى بيستخدم مواد تحلية صناعية بسبب اعتمادهم عليها بيؤدى الى عدم تخفيض نسب
الكالوريز اللى بيكلوها وبالتالى بيسبب ان وزنهم بيزيد مش بيقل
3-انة بيؤدى الى عدم سيطرة مريض السكر على نسبة السكر بدمة
احبائى::::::::::::::::::::::
فى ناس كتير بتاخد السكر الدايت او بتشرب الكوكا الدايت او البيبسى علشان تخس وطبعا لازم
تنصحهم وتشوف فين مكن السمنة علشان تلاقى العلاج الصحيح للحالة اللى قدامك
وانشاء اللة المرة الجاية حيكون الموضوع عن السمنة وكيفية علاجها
والفرق بين السمين وذو الوزن الزايد
واية اكتر الاشياء الشائعة للتخسيس
واية الاعشاب اللى بتستخدم فى التخسيس
وازاى تعمل نظام غذائى لكل حالة بعد ماتفهم يعنى اية تغذية
(على فكرة اخصائى التغذية مش عباقرة اوى زى ما انتم متخيلين)
عارفين امينة شلباية مثلا تقولها عايز صسنفرة تفتيح
مرة تقولك اطحن ترمس واعصر علية فص لمون وصنفر وشك
ومرة تقولك شوية ردة وتحط عليهم معلقتين لبن
ومرة تقولك معلقة زبادى وخيارة مبشورة وتطحن عليهم لوزة
(حتلاقوا ان الفكرة واحدة هيا محتاجة سطح خشن شوية يزيل الخلايا الخارجية ومادة مغذية
ومنظف وكمان مادة مرطبة للبشرة مرة لمون مرة زبادى مرة بنزين حتى.......هيا الفكرة عندهم
بس الابتكار بقا.....(واللة بيشتغلوا الناس)
avatar
الجارح
عضو مشارك
عضو مشارك

ذكر
عدد الرسائل : 35
العمر : 143
الموقع : الجزائر
العمل/الترفيه : طالب
الولاية/البلد : الوادي
تاريخ التسجيل : 27/03/2009

الرجوع الى أعلى الصفحة اذهب الى الأسفل

رد: الاسبارتام واضراره

مُساهمة من طرف نورهان1990 في السبت مارس 28, 2009 4:51 pm

شكـــــــــــــرا لك عزيزي على هذه المعلومات القيمة
جزاك الله خيرا
تقبل مروري
avatar
نورهان1990
مشرفة
مشرفة

انثى
عدد الرسائل : 14
العمر : 27
الموقع : ورقلة
العمل/الترفيه : طالبة
الولاية/البلد : ورقلة
تاريخ التسجيل : 23/03/2009

الرجوع الى أعلى الصفحة اذهب الى الأسفل

رد: الاسبارتام واضراره

مُساهمة من طرف Admin في الجمعة أبريل 17, 2009 3:19 pm

معلومات قيمة مشكور
avatar
Admin
Admin

عدد الرسائل : 116
تاريخ التسجيل : 22/11/2007

http://ouargla.5forum.info

الرجوع الى أعلى الصفحة اذهب الى الأسفل

رد: الاسبارتام واضراره

مُساهمة من طرف الجارح في الخميس أبريل 23, 2009 5:18 pm

عفوا
avatar
الجارح
عضو مشارك
عضو مشارك

ذكر
عدد الرسائل : 35
العمر : 143
الموقع : الجزائر
العمل/الترفيه : طالب
الولاية/البلد : الوادي
تاريخ التسجيل : 27/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى